i) Lege provinziala di 17 de dezëmber dl 2015, n. 161)
Desposiziuns sön i apalc publics

Publicada tl suplemënt n. 3 dl B.O. di 22 de dezëmber dl 2015, n. 51. La verjium ladina é gnüda publicada tl B.O. di 16 de agost dl 2016, n. 33.

Art. 39 (Termin de renviada)

(1) L’aministraziun comitënta pó impormó stlü jö le contrat 35 dis do la data de comunicaziun dla surandada, ater co por rajuns motivades de gran prescia che ne ti conzed nia al’aministraziun comitënta da aspeté che chësc termin passes.

(2) Le termin de renviada preodü dal coma 1 ne vëgn nia apliché te chisc caji:

sce, do la publicaziun de bandida o avis dla gara o do avëi ortié i invic, él ma gnü presenté o azeté na sora oferta y al n'é nia atira gnü fat recurs cuntra la bandida o la lëtra d'invit o i recursc é bele gnüs refodá cun dezijiun definitiva;
tl caje de n apalt basé sön n'acordanza cheder, tl caje de apalc spezifics basá sön n sistem dinamich d'acuisiziun, tl caje de contrac da na soma sot le lim europeich aladô dl coma 4; 108)

(3) Sce al vëgn fat recurs cuntra l’aiudicaziun cun domanda cautelara contestuala ne pó le contrat nia gní stlüt jö dal momënt dla notificaziun dl’istanza cautelara ala staziun apaltanta cina ala publicaziun dl provedimënt cautelar de pröm degré o dl stromënt o dla sentënza de pröm degré, tl caje de dezijiun dl resultat dl’udiënza cautelara. La faziun sospensiva zed canche le vicar se detlarëia dal ejam dla domanda cautelara incompetënt aladô dl articul 15, coma 4 dl codesc dl prozes aministratif preodü dal’injunta I dl decret legislatif di 2 de messé dl 2010, n. 104, o fissëia cun ordinanza la data de discusciun dl mirit, zënza tó na dezijiun sön les mosöres cautelares, cun le consëns dles perts, che vel atira sciöche renunzia implizita dl ejam dla domanda cautelara. 109)

(4) I termins de arlungiamënt preodüs dai comesc 1 y 3 ne vëgn nia aplicá ales surandades di contrac da na soma mëndra co i lims de relevanza europeica. 110)

108)

La lëtra b) dl art. 39, coma 2 é gnüda sostituida insciö dal art. 17, coma 1 dla l.p. di 16 de jügn dl 2023, n. 11 y vá en forza al 1. de messé dl 2023 aladô dl art. 24, coma 2 dla l.p. di 16 de jügn dl 2023, n. 11.

109)

L'art. 39, coma 3 é gnü ajunté dal art. 17, coma 2 dla l.p. di 16 de jügn dl 2023, n. 11 y vá en forza al 1. de messé dl 2023 aladô dl art. 24, coma 2 dla l.p. di 16 de jügn dl 2023, n. 11.

110)

L’art. 39, coma 4 é gnü ajunté dal art. 17, coma 2 dla l.p. di 16 de jügn dl 2023, n. 11 y vá en forza al 1. de messé dl 2023 aladô dl art. 24, coma 2 dla l.p. di 16 de jügn dl 2023, n. 11.