(1) Do l coma 1/bis dl articul 11 dla lege provinziela di 14 de dezëmber 1988, n. 58 iel njuntà chësc coma 1/ter.
“1/ter. I njins de juech aldò dl articul 110, coma 6 dl test Unich dla leges sun la segurëza publica, apurvà cun decret dö rë di 18 de juni 1931, n. 773 y mudazions suzessives bele metui su ti eserzizies publics pra la jita n forza dla despusizion nunzieda tl coma 1/bis muessa unì tëuc y tres tl tëmp de dou ani dala jita n forza dl coma 1/bis.”
(2) Ala fin dl coma 1 dl articul 47 dla lege provinziela di 14 de dezëmber 1988, n. 58 iel njuntà chësta frasa: “L medemo vel tl cajo che l vën metù a despusizion juesc cunzedui n cuntrast cun cie che ie stabilì tl articul 11.”
(1) L coma 2 dl articul 47 dla lege provinziela di 14 de dezëmber 1988, n. 58 ie remplazà nsci:
“2. L ambolt possa te uni mumënt cumandé cun n pruvedimënt mutivà che i defec cunstatei o i juesc cunzedui n cuntrast cun l articul 11 à da uní eliminei y, te caji particularmënter grieves, che l eserzize vënie śarà nchin che i defec o chisc juesc ne ie nia unic eliminei.”
(1) L pustom k) dl coma 3 dl articul 54 dla lege provinziela di 14 de dezëmber 1988, n. 58 y mudazions suzessives ie remplazà nsci:
“k) ne cumëda nia i danns ti locai dl eserzize o dla dotazion o ne eliminea nia i juesc cunzedui n cuntrast cun l articul 11, che ie unic cunstatei aldò dl articul 47. L resta mpe cie che ie udù danora dal articul 47, coma 2.”
Chësta lege unirà publicheda tl Buletin Ufiziel dla Region. Uni un a chi che ti spieta ie ublià de la respeté y de la fé respeté coche lege provinziela.