q) Lege Provinziala di 11 de otober dl 2012, n. 161)
Assistënza farmazeutica

(1)  Chësta lege regolamentëia l’assistënza farmazeutica dl teritore y di ospedai inće por garantì che an ti pois pormez plü saurì al sorvisc dles apoteches.

(1/bis)  Chësta lege regolamentëia ince l’eserzize dles funziuns aministratives tl ciamp dla destribuziun alingrossa de medejines. 2)

(2)  Vigni zitadin y zitadina à le dërt da se chirì fora lediamënter l’apoteca.

(1)  Por garantì na destribuziun adatada dles apoteches tl raiun provinzial, determinëia la Junta provinziala le numer dles apoteches te vigni comun, [sciöche inće i raiuns olache al dess gnì metü sö les apoteches nöies], do avëi aldì l’Ordinn di Farmazisć dla Provinzia de Balsan y le Consëi di Comuns. 3)

Por chësc fin tëgn la Junta provinziala cunt:

1. dl bojëgn de garantì da ti podëi pormez al sorvisc dles apoteches inće ala popolaziun che vir te raiuns che n’é nia popolà tan dassënn;
   
2. dles condiziuns geomorfologiches dl teritore provinzial;
   
3. dl consum de medejines aladô dla popolaziun residënta;
   
4. dla variaziun dla popolaziun ti raiuns dassënn svilupà dal punt de odüda turistich.
   

(1/bis) Cun le plann de repartiziun dles apoteches tol at la Junta provinziala di raiuns che i comuns á individué por situé apoteches.  4)

(1/ter) Le plann de repartiziun dles apoteches vëgn publiché tl Boletin Ofizial dla Regiun y al é laite:

1. le numer dla popolaziun residënta y le numer dles apoteches che é da preodëi ti comuns aladô dles normes varëntes te chësta materia;
   
2. la delimitaziun dl raiun de vigni apoteca singola;
   
3. le numer dles apoteches che é bele ti comuns.  5)
   

[(2)  I comuns interessà vëgn ascutà por determiné i raiuns olache al dess gnì metü sö les apoteches nöies. Sce la dezijiun dla Junta provinziala ne va nia a öna cun les propostes di comuns interessà, spo mëssel gnì dè na motivaziun adatada.] 6)

(3)  La Junta provinziala stabilësc les desposiziuns por vëne medejines al publich ti eserzizi comerziai autorisà da dè fora medejines.

(4)  La Junta provinziala stabilësc les prozedöres por conzede l’autorisaziun da vëne alingrossa medejines y les modalités de verda sön l’osservanza dles desposiziuns en materia. 7)

(1)  Tles apoteches dla provinzia de Balsan vëgnel garantì le sorvisc dles apoteches ti dui lingac ofiziai talian y todësch. Tles apoteches di paîsc ladins dla provinzia de Balsan mëssel implü gnì garantì l’adoranza dl lingaz ladin.

(2)  Por i fins nominà tl coma 1 ti vëgnel scrit dant l’atestat de conescënza di lingac provinziai en referimënt al diplom de laurea aladô di articui 3 y 4 dl decret dl Presidënt dla Republica di 26 de messè dl 1976, n. 752, y mudaziuns suandëntes, o n’atestaziun detlarada ecuivalënta a chëstes porsones:

1. al titolar/ala titolara dl’apoteca;
   
2. al diretur/ala direturia dl’apoteca.
   

(3)  Sce les porsones nominades tl coma 2, lëtres a) y b) manćia por n cört tëmp, mëssel gnì garantì l’adoranza di lingac provinziai.

(4)  Inće le farmazist o la farmazista che à la responsabilité dl eserzize comerzial autorisé da dè fora medejines y le personal dl’apoteca suplënt à les oblianzes nominades tl coma 1.

(1)  La Junta provinziala regolamentëia le prozedimënt de concurs por l’assegnaziun dles sëntes por apoteches por l’eserzize privat, che é gnüdes lëdies o vëgn metüdes sö danü. Ara determinëia:

1. [les condiziuns por tó pert a concursc ordinars y straordinars;] 8)
   
2. la composiziun y la nominaziun dla comisciun de valutaziun;
   
3. i criters por la valutaziun di titui y l’assegnaziun di punć;
   
4. l’ejam y les modalitês dl concurs;
   
5. la formaziun y la dorada dla gradatöra;
   
6. la lîta y l’assegnaziun dles sëntes por apoteches.
   

(2)  Les desposiziuns sön les apoteches de comun resta anfat.

(1) La Junta provinziala determinëia les condiziuns organisatoriches, tecniches y strotorales por les apoteches y i eserzizi comerziai che á l’autorisaziun da dé fora medejines al menü y alingrossa. 9)

(1)  Les apoteches garantësc, tres n orar de daurida regolar de almanco 40 ores al’edema sciöche inće tres turnus tratan i orars de stlüta, n sorvisc zënza interuziun a livel provinzial.

(2)  La Junta provinziala determinëia, en acordanza cun l’Ordinn di Farmazisć dla provinzia de Balsan y do avëi aldì le Consëi di Comuns, i criters por ći che reverda i orars de daurida minimai, les feries dles apoteches, sciöche inće i turnus de sorvisc tratan i orars de stlüta.

(3)  Cina al 1. d’otober de vigni ann laora fora l’Ordin di Farmazisć dla provinzia de Balsan, do avëi aldí la Repartiziun provinziala Sanité i, le calënder di turnus de sorvisc dles apoteches por l’ann che vëgn. 10)

(4)  Les apoteches po tignì davert inće fora di turnus de sorvisc y di orars de daurida scrić dant.

(1)  Sce al va debojëgn da sostituì le titolar o la titolara dl’apoteca o le diretur o la direturia dl’apoteca cun n’atra porsona mëssel ti gnì lascè alsavëi por scrit ala Repartiziun provinziala Sanité te set dis dala sostituziun. 11)

(2)  La comunicaziun nominada tl coma 1 mëss inće gnì fata sce le titolar o la titolara o le diretur o la direturia dl’apoteca tol pert a manifestaziuns de formaziun permanënta de medejina (CME).

(1)  Les porsones che fej pert de comisciuns tl ćiamp dl’assistënza farmazeutica à ma le dërt da ciafè les compensaziuns odüdes danfora tles desposiziuns provinziales, sce ares tol pert ales sentades fora di orars de sorvisc.

(1)  Le diretur o la direturia dla Repartiziun provinziala Sanité ti dà l’inćiaria a so personal dependënt da ćiarè sura sce les apoteches y i eserzizi comerziai autorisà da dè fora medejines se tëgn ales desposiziuns de lege varëntes. 12)

(2) Les ispeziuns preodüdes dales desposiziuns varëntes te chësc setur vëgn fates dal personal dependënt dé dant tl coma 1 acompagné da n farmazist/na farmazista d'ospedal dl'Aziënda Sanitara dl Südtirol.  13)

(3) 14)

(1)  La Repartiziun provinziala Sanité ciara dl’osservanza dles desposiziuns de lege varëntes di eserzizi de destribuziun de medejines alingrossa. 15)

(2)  Les ispeziuns preodüdes dales desposiziuns varëntes te chësc setur vëgn fates dal personal dependënt dé dant tl articul 9, coma 1, acompagné da n farmazist/na farmazista d'ospedal dl'Aziënda Sanitara dl Südtirol.   16) 17)

(3) 18)

(1)  Por la prescriziun de medejines po les doturies y i doturs dependënć o convenzionà dl Sorvisc sanitar provinzial adorè i blocs de rezetes aposta dl Sorvisc sanitar nazional, tl respet dles desposiziuns che alda laprò. Pro la prescriziun de medejines che po gnì rembursades dal Sorvisc sanitar nazional mëss les doturies y i doturs se tignì ales condiziuns y ales limitaziuns, sciöche inće ai fins de sparagn preodüs.

(2)  La Junta provinziala ti dà diretives al’Aziënda sanitara dl Südtirol por verifiché sce les doturies y i doturs se tëgn ales desposiziuns dl coma 1. Implü determinëiera i provedimënć, inće de natöra economica, che l’Aziënda sanitara mëss tó sce les desposiziuns ne vëgn nia respetades.

(1) L’Aziënda sanitara dl Südtirol determinëia l’unité d’organisaziun che contabilisëia les rezetes dles medejines y les atestaziuns sön l’erogaziun de material da infascé y aiüc terapeutics a ciaria dl Sorvisc sanitar provinzial menades demez dales apoteches y dai eserzizi comerziai convenzioná y les controlëia da n punt d’odüda tecnich, contabl y aministratif. L'unité d’organisaziun s’anüza por chësc fin di dac dles rezetes y atestaziuns nominades dessura menades inant dales apoteches y dai eserzizi comerziai tl format eletronich.

(2)  L’unité d’organisaziun:

1. adatëia süa ativité ales normes por ci che reverda la dematerialisaziun dles rezetes;
   
2. inresc pro prozedöres de strit;
   
3. ti mëna vigni mëis düc i dac statistics che reverda i cosć y le consum de medejines, material da infascé y aiüc terapeutics ala Repartiziun provinziala Sanité por süa ativité de orientamënt y de programaziun. 19) 20)
   

(1)  La Junta provinziala programëia l’ativité d’assistënza farmazeutica dl’Aziënda sanitara dl Südtirol y verifichëia i resultać arjunć por scemplifiché y unifiché les prozedöres aministratives, smendrì i cosć y alzè la cualité y l’efiziënza.

(2) La Junta provinziala stabilësc i medicamënc che vëgn arjigná ca aladô de na rezeta dl dotur, le material da infascé y i aiüc terapeutics, sciöche ince i criters por i dé fora y i lascé scrí sciöche prestaziuns sanitares implü a ciaria dl Sorvisc sanitar provinzial. L’Aziënda sanitara dl Südtirol garantësc l’erogaziun dles prestaziuns preodüdes dessura do avëi tigní cunt dles ressurses sön le capitul aposta dl bilanz, mioran les modalités de cumpra, de prescriziun y d’erogaziun y renforzan i controi che toca lapró. 21)

(3)  L’istituziun de posć de destribuziun de medejines pó gní autorisada dala Provinzia autonoma de Balsan te comuns che n’á nia i recuisic por daurí n’apoteca. I criters por la conzesciun de posć de destribuziun de medejines vëgn stabilis cun regolamënt d’esecuziun. 22)

(1)  La Junta provinziala pó mëte a desposiziun n sostëgn suplementar tl cheder dl'indenité de residënza por les pices apoteches periferiches y les apoteches rurales cun posć de destribuziun de produc farmazeutics.  23)

(2)  ) Por i comuns o i zëntri abitá cun na popolaziun cina a 3.000 abitanc, pó i comuns conzede debann locai adatá ai posć de destribuziun y ales apoteches o surantó, daldöt o en pert, les spëises por so afit.   24) 25)

(1)  L’indenité de residënza preodüda dal articul 2 dla lege di 8 de merz dl 1968, n. 221, y mudaziuns suandëntes, y dala lege di 5 de merz dl 1973, n. 40, y mudaziuns suandëntes, a bëgn dles titolares y di titolars, dles direturies y di direturs responsabli, sciöche ince dles gesturies y di gesturs provisori de apoteches rurales te comuns, fraziuns, localités y insediamënc rurai cun cina a 3.000 abitanc, vëgn stabilida te chësta mosöra:

1. cina a 1.000 abitanc: 9.340,00 euro al ann;
   
2. cina a 2.000 abitanc: 7.140,00 euro al ann;
   
3. cina a 3.000 abitanc: 5.490,00 euro al ann.
   

(2)  Les domandes mëss gní dades jö aladô dla lege di 8 de merz dl 1968, n. 221, y mudaziuns suandëntes tl Ofize provinzial Govern sanitar cina ai 31 de merz di agn per.

(3)  Les titolares y i titolars, les direturies y i direturs responsabli, sciöche ince les gesturies y i gesturs provisori che é autorisá, do i 31 de merz de n ann per, da daurí n’apoteca rurala te localités cun na popolaziun cina a 3.000 abitanc, pó dé jö la domanda de conzesciun dl’indenité de residënza cina ai 31 de merz dl ann döst suandënt.

(4)  La mosöra dl’indenité de residënza pó gní determinada danü vigni dui agn cun decret dl diretur/dla direturia dla Repartiziun provinziala Sanité sön la basa dla calcolaziun dl ASTAT adoran l’indesc nazional dl prisc al consumadú.  26)

(1)  Al mëss gnì paié na sanziun aministrativa da 1.000,00 euro a 6.000,00 euro da che che:

1. va cuntra les desposiziuns indicades tl Art. 7 (che reverda le dovëi de comunicaziun;
   
2. ne se tëgn nia ales normes canche al vëgn arjigné ca i medicamënć tles apoteches aladô dl liber de medejina ofizial o dles normes scemplificades che toca laprò. 27)
   

(2)  Che che à l’autorisaziun da mëte sön le marćé [medicamënć y] preparać galenics y vënn o mët sön le marćé chisc produć tla provinzia de Balsan cun etichëtes y zetoles de spligaziun dles medejines che ne va nia a öna cun chëres aprovades dal organn competënt mëss paié na straufunga aministrativa da 10.000,00 euro a 60.000,00 euro, independëntemënter dales desposiziuns penales. 28)

(3)  Che che dà fora medejines tles apoteches o ti eserzizi comerziai autorisà da dè fora medejines ala tlientela zënza ti mëte a desposiziun inće la verjiun todëscia dla zetola de spligaziun dles medejines, aladô dles modalitês stabilides, mëss paié na straufunga aministrativa da 5.000,00 euro a 30.000,00 euro.

(1) Por döt ci che ne vëgn nia regolamenté da chësta lege vëgnel apliché la legislaziun statala sön l’assistënza farmazeutica, tan inant che ara vá a öna impara.

(2)29)  La Repartiziun provinziala Sanité eserzitëia dötes les funziuns liades al’ativité dles apoteches, ala distribuziun de medejines ti eserzizi comerziai y ala destribuziun alingrossa de medejines.   30)

(3)  Tl respet de ci che vëgn stabilí dales autorités statales competëntes regolamentëia la Repartiziun provinziala Sanité tl menü les modalités y les condiziuns por l'adoranza y la destribuziun de medejines dades jö a ciaria dl Sorvisc sanitar publich. 31)

(4)  I ac aministratifs revardënc l'assistënza farmazeutica che s'adressëia ala generalité di zitadins o a categories de porsones determinades vëgn publicá tl Boletin Ofizial dla Regiun. 32)

(1)  I posć de destribuziun de medejines metüs sö denant che chësta lege jiss en forza mëss stlüje canche les apoteches dades dant tl Art. 2 (mët man so sorvisc tl comun interessè.

(2)  La desposiziun preodüda dal articul 3, coma 2 sön l’adoranza dl ladin tles apoteches ti paîsc ladins dla provinzia de Balsan ne vëgn nia aplicada ales titolares y ai titolars o ales direturies y ai direturs de apoteches che gestësc n’apoteca te n paîsc ladin o che à gestì dandaia por altamo 10 agn zënza interuziun n’apoteca te n paîsc ladin, canche chësta lege va en forza. 33)

(1)  Ti comuns, olache la sora apoteca vëgn lëdia ajache le titolar/la titolara á chirí fora n’atra apoteca, do avëi passé le concurs straordinar preodü dal articul 11 dl decret lege di 24 de jená dl 2012, n. 1, mudé y trasformé tla lege di 24 de merz dl 2012, n. 27, vëgn l’assistënza farmazeutica garantida insciö:

1. l'apoteca vëgn manajada provisoriamënter dal titolar/dala titolara che s'un vá, sciöche sënta de destribuziun farmazeutica, sön la basa de n’autorisaziun a tëmp determiné, cina a süa daurida da pert de un o öna di candidac aratá adatá pro le concurs straordinar. L’autorisaziun dla gestiun provisoria vel alplü n ann dal desfiramënt dla fasa de consultaziun suandënta;
   
2. la gestiun dl'apoteca ti vëgn surandada provisoriamënter, sciöche sënta de destribuziun farmazeutica, a un o a öna di candidac adatá pro le concurs straordinar, cina che ara vëgn indô daurida;
   
3. sce les porsones preodüdes dales lëtres a) y b) se refodëia da manajé l'apoteca, vëgn la gestiun provisoria dla sënta de destribuziun farmazeutica surantuta dal titolar/dala titolara de n'apoteca dl raiun, cun preferënza por le titolar/la titolara dl'apoteca plü daimpró, o dal comun, por alplü n ann dal desfiramënt dla fasa de consultaziun suandënta, sön la basa de chëra che l'apoteca vëgn indô daurida. 34)
   

(1)  La lege provinziala di 29 de dezëmber dl 1976, n. 61, y mudaziuns suandëntes, la lege provinziala di 17 de novëmber dl 1988, n. 48, y mudaziuns suandëntes y la lege provinziala di 3 de jenà dl 1986, n. 2, y mudaziuns suandëntes, vëgn abrogades.

(1)  I cosć che vëgn da chësta lege vëgn curis cun i stanziamënć de spëisa bele metüs a desposiziun tl bilanz provinzial sön les unitês de previjiun de basa 10120 y 10150 a ćiaria dl eserzize 2012 y autorisà por i intervënć dà dant tla lege provinziala di 29 de dezëmber dl 1976, n. 61, y mudaziuns suandëntes, y tla lege provinziala di 3 de jenà dl 1986, n. 2, y mudaziuns suandëntes, abrogades dal Art. 16.

(2)  Les spëises a ćiaria di agn finanziars che à da gnì vëgn stabilides cun la lege finanziara anuala.

(1)  Chësta lege va en forza le dé do süa publicaziun tl Boletin Ofizial dla Regiun.

Chësta lege gnarà publicada tl Boletin Ofizial dla Regiun. Vignun a chël che al ti speta é oblié da la respetè y da la fà respetè sciöche lege dla Provinzia.