a) Lege Provinziala di 4 de messè dl 2012, n. 121)
Ordinamënt dl lernerat

(1) ) Al é chëstes sorts de contrat de lernerat:

1. lernerat por la cualificaziun y le diplom profescional, sciöche ince por n diplom de scora alta;
   
2. lernerat profescional spezialisé;
   
3. lernerat de formaziun alta y inrescida. 2)
   

(2)  Te chësta lege mìnon cun perts soziales les organisaziuns di daturs y dles daturies de laûr y les organisaziuns sindacales plü rapresentatives a livel provinzial.

(1)  La Junta provinziala stabilësc la lista di mistiers cun lernerat, che é partida sö te chëstes trëi seziuns:

1. i mistiers cun lernerat preodüs dal articul 1, coma 1, lëtra a), che porta pro a na cualificaziun, vëgn stabilis do avëi aldì les perts soziales;
   
2. i mistiers cun lernerat preodüs dal articul 1, coma 1, lëtra a), che porta pro a n diplom profescional, vëgn stabilis do avëi aldì les perts soziales;
   
3. i mistiers cun lernerat preodüs dal articul 1, coma 1, lëtra b), por chi che al vëgn odü danfora n ordinamënt formatif aladô dl articul 20, vëgn stabilis a öna cun les perts soziales a livel provinzial o te vigni setur a livel provinzial.
   

(1) Tl caje de lernerat por la cualificaziun y por le diplom profescional, sciöche ince por le diplom de scora alta preodüs dal articul 1, coma 1, lëtra a), y tl caje de lernerat profescional cun ordinamënt formatif preodü dal articul 20, ti trasmët le datur/la daturia de laur ala Provinzia autonoma de Balsan, nominada da chiló inant Provinzia, cun la comunicaziun d’assunziun cun contrat de lernerat, inće i dac dl raport de lernerat che vá debojëgn por che le lerner/la lernera pois se scrí ite ala scora profescionala. La Junta provinziala stabilësc ci dac che mëss gní ortiá inant. 3)

(1)  La Provinzia po mëte a jì manifestaziuns, scomenciadies y inrescides por sostignì y svilupé le lernerat y informè la jonëza sön la formaziun duala. La Provinzia po inće finanzié la partezipaziun de lerneri y lerneres a chëstes manifestaziuns.

(2)  La Provinzia po ti conzede contribuć a ënć publics y a privać che realisëia les scomenciadies preodüdes dal coma 1.

(3)  Por sostignì le laûr jonil, alisiré l'entrada di jogn y dles jones tl monn dl laûr y ti assiguré al marćé dl laûr dl post la forza laûr che va debojëgn, po la Provinzia ti dè contribuć ales aziëndes por despaié jö en pert les spëises de formaziun y por les motivé a tó sö y formè lerneri y lerneres. Chisc contribuć vëgn ma conzedüs por les lerneres y i lerneri preodüs dal articul 1, coma 1, lëtra a) y b).

(1) Cun le lernerat por la cualificaziun y por le diplom profescional arjunjon na cualificaziun profescionala te trëi agn o n diplom profescional te cater agn.

(2)  Por la cualificaziun y por le diplom profescional pól gní tut sö cun contrat de lernerat, te düc i seturs di mistiers, ince por stlü jö le dovëi d'istruziun, les porsones che á complí chinesc agn y che n'á nia ciamó superé i vintecin agn.

(3)  Al pó ince gní stlüt jö contrac de lernerat de cina a alplü dui agn, cun porsones che frecuentëia le curs preodü dal articul 6, coma 5 dl decret dl Presidënt dla Republica di 15 de merz dl 2010, n. 87, che se stlüj jö cun l’ejam de Stat.

(4)  Cun le contrat de lernerat por la cualificaziun y por le diplom profescional, sciöche ince por le diplom de scora alta pól gní tut sö jogn y jones, che á complí chinesc agn y che n'á nia ciamó superé i vintecin agn.

(5)  Le contrat de lernerat pó gní arlungé por alplü n ann sce le lerner/la lernera n’á nia arjunt, ala fin di percursc formatifs preodüs dai comesc 1, 2 y 3, la cualificaziun, le diplom profescional o le diplom dl ejam de Stat final.

(6)  I articui da 6 a 17 de chësta seziun vëgn ma aplicá tl caje de lernerat por la cualificaziun y por le diplom profescional aladô dl articul 1, coma 1, lëtra a). 5)

(1)  La Junta provinziala stabilësc por vigni mistier cun lernerat l’ordinamënt formatif, do avëi aldì les perts soziales. Chësc ordinamënt tol ite la descriziun dl profil profescional, le titul che ara va da arjunje, la dorada de lernerat, le cheder formatif aziendal, la cuantité dla formaziun formala tla scora profescionala o te d'atri posć de aprendimënt y le program didatich. Por la descriziun di profii profescionai di mistiers d’artejan cun lernerat él da adorè le profil profescional, aprovè aladô dl articul 22 dla lege provinziala di 25 de forà dl 2008, n. 1, sce al n’un n’é un. 6)

(2)  Le program didatich contëgn i obietifs, i contignüs y la dorada dla formaziun formala tla scora profescionala y, sce al é preodü, te d'atri posć de aprendimënt. Le cheder formatif aziendal contëgn les competënzes y les conescënzes che ti mëss gnì dades inant al lerner/ala lernera tl'aziënda.

(3) L’ordinamënt formatif vëgn conscidré sciöche plann formatif individual y protocol danter istituziun formativa y datur/daturia de laur aladô dles desposiziuns statales. 7)

(4)  Aladô dl articul 7, coma 4, dla lege provinziala di 24 de setëmber dl 2010, n. 11, vëgn les competënzes arjuntes tres le lernerat conscidrades credić formatifs por les scores altes y les scores de formaziun profescionala, y al vëgn inće tignì cunt dla pert de formaziun te scora y t'aziënda.

(5)  Na pert dl lernerat po gnì fata fora dala provinzia, tan inant che ara va da la parifiché, por ći che reverda i contignüs y la dorada, al lernerat tl Südtirol preodü por n cer mistier.

(1)  La Junta provinziala stabilësc i criters por reconësce i credić formatifs che comporta na smendrida dla dorada dl lernerat te scora y tl'aziënda, do avëi aldì les perts soziales.

(2)  Tl respet di criters preodüs dal coma 1, desliëia le diretur/la direturia dla scora profescionala, daldöt o en pert, les lerneres y i lerneri che à bele competënzes tl mistier cun lernerat o credić formatifs che reverda la cultura generala, dal dovëi de frecuënza dla scora profescionala. Tl medemo tëmp po chëstes lerneres y chisc lerneri gnì sforzà da frecuentè cursc alternatifs cun na dorada anfat a chëra preodüda por les leziuns tla scora profescionala.

(3)  Por gnì deslià daldöt da frecuentè la scora profescionala por un o de plü agn de scora, mëss la scora y l'aziënda fà fora deboriada la dorada dla formaziun.

(4)  La Junta provinziala po definì, do avëi aldì les perts soziales, por porsones cun dificoltês de aprendimënt, mistiers cun lernerat spezifics, olache ara va da arjunje do n lernerat de altamo dui agn n atestat che ti corespogn al livel 1 o 2 dl Cheder europeich dles cualificaziuns.

(1)  L’aziënda olache al vëgn fat le lernerat mëss ti pité la miù formaziun poscibla al lerner/ala lernera. Le datur/la daturia de laûr y le formadù/la formadëssa controlëia y valutëia regolarmënter sciöche al va le lernerat.

(2)  Sce n’aziënda ô por le pröm iade formè lerneres y lerneri te n cer mistier, mëss le titolar/la titolara dl'aziënda o so rapresentant legal/süa rapresentanta legala ti lascè alsavëi dan l’assunziun al ofize provinzial competënt, che i standarg formatifs preodüs dal coma 3 por chël mistier vëgn ademplis.

(3)  La Junta provinziala stabilësc, do avëi aldì les perts soziales, i standarg por la formaziun aziendala se tignin a chisc prinzips:

1. le formadù/la formadëssa à les competënzes profescionales che va debojëgn y na formaziun por formadus y formadësses reconesciüda dala Provinzia o competënzes ecuivalëntes;
   
2. le post destiné ala formaziun mëss gnì arjigné ca y organisé a na moda che al pois gnì realisé le cheder formatif aziendal;
   
3. sce le datur/la daturia de laur ne cür nia döt le cheder formatif aziendal te süa aziënda, se obliëia le datur/la daturia de laur da garantí la formaziun integrativa extra o interaziendala aladô dl articul 15; 8)
   
4. le datur/la daturia de laûr ne po nia avëi ciafè na condanada por dagns fisics, psichics o morai al personal dependënt o mëss avëi ciafè la reabilitaziun, tl caje de na condana.
   

(3/bis)I standarg preodüs dal coma 3 vëgn conscidrá recuisic dl datur/dla daturia de laur aladô dles desposiziuns statales por stlü jö i contrac de lernerat. Cun la comunicaziun preodüda dal coma 2 detlarëia le datur/la daturia de laur da ademplí i recuisic damaná. 9)

(4)  Sce le personal insegnant dla scora profescionala constatëia tratan süa ativité d'insegnamënt che i lerneri y les lerneres à loćes formatives importantes, ti le lasci alsavëi al diretur/ala direturia dla scora.

(5)  La Provinzia sostëgn le svilup dla cualité dla formaziun aziendala tres l'introduziun de na zertificaziun aposta por les aziëndes che se crüzia dla formaziun di lerneri y dles lerneres. Por chësc fin definësc la Junta provinziala, do avëi aldì les perts soziales, i criters por le reconescimënt de n’aziënda sciöche aziënda zertificada por la formaziun di lerneri y dles lerneres.

(6)  La formaziun aziendala pó gní fata ince te istituziuns publiches. Te chësc caje n’é la formaziun nia basada sön n contrat de lernerat, mo sön n ater raport de laur de sort formativa. La Junta provinziala fej fora i criters por chësta sort de formaziun aziendala. 10)

(1)  Tl respet di dovëis preodüs dales desposiziuns varëntes, mëss le datur/la daturia de laûr:

1. garantì na formaziun aladô dl cheder formatif aziendal;
   
2. formè personalmënter le lerner/la lernera o inćiarié n formadù/na formadëssa dla formaziun tl'aziënda; le formadù/la formadëssa mëss a vigni moda avëi i recuisić preodüs dal articul 8, coma 3, lëtra a);
   
3. despensè le lerner/la lernera dal laûr por les leziuns tla scora profescionala y por l’ejam de fin de lernerat, sciöche inće controlè la regolarité dla frecuënza dla scora profescionala;
   
4. 11)
   
5. informè, sön domanda, che che eserzitëia la potesté y la scora profescionala sön coche le lernerat dl lerner/dla lernera va;
   
6. documentè les competënzes arjuntes dal lerner/dala lernera tl caje de ressoluziun antizipada dl contrat de lernerat.
   

(1)  Tl respet di dovëis preodüs dales desposiziuns varëntes, mëss le lerner/la lernera:

1. fà cun lezitënza i dovëis surandà tl cheder dla formaziun;
   
2. frecuentè regolarmënter la scora profescionala y se tignì al regolamënt scolastich, sciöche inće tó pert ala formaziun formala preodüda tl'aziënda;
   
3. ti mostrè al datur/ala daturia de laûr y al formadù/ala formadëssa les notes y les comunicaziuns dla scora profescionala.
   

(1)  Tl caje de lernerat a tëmp parzial mëss le lerner/la lernera stlü jö döta la formaziun formala ciafada dala scora profescionala o te d'atri posć d'aprendimënt. Implü mëssel gní garantí döt le cheder formatif aziendal.

(2)  Tles aziëndes sajonales vára da tó sö lerneri/lerneres, sce al vëgn garantí, ince sce le tëmp de laur é limité, na formaziun aladô dl cheder formatif aziendal. I contrac sajonai mëss avëi na dorada minimala de dodesc edemes.

(3)  Por cumpedé adöm le tëmp de lernerat vëgnel cumpedé adöm le tëmp de formaziun aziendala y formala, sciöche ince les feries madorides. Tl caje de lernerat sajonal vëgn ot mëisc de lernerat conscidrá n ann intier de lernerat.

(4)  I lerneri y les lerneres cun n contrat sajonal pó stlü jö la formaziun formala ince ti tëmps che al ne vëgn nia lauré. Te chësc caje vëgn la formaziun formala conscidrada, en proporziun al tëmp de laur real tl'aziënda, sciöche tëmp de laur. 12)

(1)  La scora profescionala dà inant la formaziun scolastica, che é metüda adöm dal insegnamënt profescional y dal insegnamënt de cultura generala.

(2)  La scora profescionala à chësc dovëi formatif:

1. ara promöi le svilup dla personalité y dles competënzes soziales dl lerner/dla lernera tres l’insegnamënt dles bases teoriches y pratiches che va debojëgn por l’eserzize dla profesciun, sciöche inće l’insegnamënt de cultura generala;
   
2. ara tëgn cunt di talënć desfarënć y di bojëgns particolars dles porsones cun dificoltês d’aprendimënt y dles porsones particolarmënter dotades, pitan ofertes aposta.
   

(3) La scora profescionala colaborëia cun les aziëndes olache al vëgn fat le lernerat. Ara informëia le datur/la daturia de laur sce le lerner ne tol nia pert ales leziuns. 13)

(1)  Canche le lernerat mët man mëss le lerner/la lernera frecuentè la scora profescionala por le tëmp fat fora ti programs didatics. I jogn y les jones po frecuentè, do avëi stlüt jö la scora d'oblianza, cun le consëns dla direziun scolastica, ćina cater mëisc alalungia la scora profescionala inće zënza contrat de lernerat.

(2) Sce le contrat de lernerat se röia canche l’ann de scora é bele tan inant che ara ne vá nia plü da le stlü jö bun, mëss le lerner/la lernera frecuenté la scora l’ann suandënt. La dezijiun ti speta al diretur/ala direturia dla scora profescionala. 14)

(3) I jogn y les jones che archita le raport de lernerat por bel anfat ci rajun tratan l’ann, pó frecuenté inant la scora y stlü jö regolarmënter l’ann de scora. 15)

(4)  Sce al ne vëgn nia garantì te na scora profescionala la realisaziun dl’ativité didatica, po le coordinadù competënt/la coordinadëssa competënta dl raiun stlü jö convenziuns che reverda la realisaziun dl’ativité didatica da pert de organisaziuns esternes.

(5)  Le diretur/la direturia dla scora profescionala po inće amëte ala frecuënza regolara dla scora profescionala les porsones che ô arjunje na cualificaziun o n diplom profescional, mo che ne po nia plü stlü jö n contrat de lernerat, ajache ai à superè l'eté mascima.

(1) Por vigni ann de lernerat él preodü n numer de ores de formaziun formala obligatories:

1. altamo 1.200 ores te trëi agn por le lernerat por la cualificaziun;
   
2. altamo 1.600 ores te cater agn por le lernerat por le diplom profescional.
   

(2)  Tl caje de lernerat por la cualificaziun vëgn la formaziun formala fata de regola dales scores profescionales provinziales. Tl cuarto ann de lernerat por le diplom profescional vëgn altamo 160 ores de formaziun formala realisades dales scores profescionales.

(3)  L’iscriziun ala scora profescionala vëgn fata d'ofize sön la basa dl contrat de lernerat.

(4)  L’insegnamënt tla scora profescionala vëgn tigní cun formes organisatives desvalies. Chëstes vëgn definides do avëi consulté les perts soziales, tignin cunt de sü bojëgns spezifics.

(5)  Por les profesciuns cun lernerat, por chëres che al ne pó nia gní garantí la formaziun scolastica tl raiun provinzial, pita la Provinzia na formaziun ecuivalënta tl raiun dl'Euregio Tirol-Südtirol-Trentin (GECT) o te n'atra regiun dla Talia o foradecá.

(6)  I obietifs formatifs vëgn aratá nia arjunc sce le lerner n’á nia stlüt jö ala fin dl tëmp de lernerat positivamënter döta la formaziun scolastica preodüda. 16)

(1) La formaziun extraaziendala á chisc obietifs:

1. integré la formaziun aziendala y scolastica;
   
2. avijiné i lerneri y les lerneres ales tecnologies nöies;
   
3. alzé la cualité dla formaziun s’anuzan de metodes didatiches orientades ala formaziun pratica y ales ativités de laboratore.
   

(2)  La formaziun extraaziendala é obligatoria, sce ara é preodüda dal ordinamënt formatif por la ativité profescionala che alda lapró aladô dl articul 6, coma 1. I contignüs vëgn definis tl detai dal program didatich y la formaziun extraaziendala vëgn fata tles scores profescionales.

(3)  La formaziun interaziendala á l’obietif da integré la formaziun aziendala tres le trasferimënt temporan dl lerner/dla lernera te n’atra aziënda cun ativités de lernerat.

(4)  La Provinzia sostëgn la sojornanza de lerneri y lerneres tla Talia y te paisc foradecá, dantadöt tl raiun di mëmbri dl Grup Europeich de Cooperaziun Teritoriala Euregio Tirol-Südtirol-Trentin (GECT), por imparé a conësce d'atres realtés scolastiches y aziendales. La Junta provinziala stabilësc i criters che alda lapró. 17)

(1)  Le lernerat por la cualificaziun y por le diplom profescional se röia cun n ejam final.

(2)  Le fin dl ejam final é da verifiché sce le candidat/la candidata à arjunt les competënzes che alda pro le mistier. Dal ejam mëss le candidat/la candidata desmostrè da avëi arjunt les competënzes stabilides tl ordinamënt formatif.

(3)  La Junta provinziala aprovëia le program por l’ejam por düć i mistiers cun lernerat. Dan l’aprovaziun di programs vëgnel damanè i arać dles organisaziuns di daturs y dles daturies de laûr plü rapresentatives a livel provinzial.

(4) Cun regolamënt d'atuaziun vëgnel emané l’ordinamënt general di ejams, regolamenté te chisc punc:

1. amisciun al ejam de fin dl lernerat;
   
2. composiziun dla comisciun d’ejam;
   
3. sessiuns d’ejam;
   
4. strotoraziun dl ejam;
   
5. desfiramënt dl ejam;
   
6. valutaziun dl ejam,
   
7. reconescimënt de credic formatifs. 18)
   

(5)  Do avëi passè l’ejam ciafa le candidat/la candidata:

1. n atestat de cualificaziun profescionala tl caje de lernerat de trëi agn;
   
2. n diplom profescional tl caje de lernerat de cater agn.
   

(5/bis) Tla lista dles ativités profescionales cun lernerat preodü dal articul 2, coma 1, vëgnel stabilí les profesciuns por chëres che al vëgn scrit sön l’atestat de cualificaziun profescionala o le diplom profescional ince le titul ’atestat de laurant artejan. 19)

(6)  I lerneri y les lerneres cun na diagnosa funzionala, che à passè l’ejam final cun n program individual, ciafa na cualificaziun parziala, olache al é descrit les competënzes arjuntes.

(1) Le diretur/la direturia dl ofize provinzial competënt por le lernerat pó despone l'ecuiparaziun al ejam final de lernerat sce le candidat/la candidata á n atestat ecuivalënt por la profesciun dl lernerat. 20) 

(2)  La Junta provinziala stabilësc i criters por l’ecuiparaziun di percursc formatifs.

(1) Cun regolamënt d’esecuziun vëgnel regolamenté le lernerat por arjunje le diplom profescional preodü dal articul 5, coma 2 y chël por arjunje le diplom dl ejam de Stat preodü dal articul 5, coma 3, y al vëgn stabilí: 21)

1. les condiziuns y les modalités d’azes;
   
2. la dorada;
   
3. les ores y l’organisaziun dla formaziun scolastica. 22)
   

(2) Le lernerat por arjunje le diplom dl ejam de Stat final preodü dal articul 5, coma 3 vëgn regolamenté cun decret dl diretur o dla direturia dla strotöra provinziala competënta por la formaziun profescionala, te chël che al vëgn stabilí:

1. les condizuns y les modalités d’azes;
   
2. la dorada;
   
3. les ores y l’organisaziun dla formaziun scolastica. 23)
   

(1)  Al mëss gnì paié na sanziun aministrativa pecuniara da 250,00 ćina a 1.500,00 euro dai daturs y dales daturies de laûr che:

1. ne ti lascia nia ai lerneri y ales lerneres le tëmp che va debojëgn por fà la scora profescionala o i ejams, o che azetëia te chisc tëmps süa presënza tl'aziënda;
   
2. ne realisëia nia la formaziun formala preodüda tl'aziënda.
   

(2)  Al mëss gnì paié na sanziun aministrativa pecuniara da 150,00 ćina a 450,00 euro dai daturs y dales daturies de laûr che:

1. ne fej nia la comunicaziun preodüda dal articul 8, coma 2;
   
2. tol sö lerneri y lerneres, inće sce ai ne ademplësc nia o ma en pert i standarg por la formaziun aziendala por na certa profesciun cun lernerat.
   

(3)  La sanziun pecuniara preodüda dal coma 2 vëgn smendrida dl mez, sce le datur/la daturia de laûr ortiëia inant la comunicaziun di standarg formatifs lasciada demez, te 30 dis dal’assunziun dl lerner/dla lernera.

(1)  Al po gnì tut sö te düć i seturs d'ativité, publics o privać, cun contrat de lernerat profescional spezialisé por arjunje na cualificaziun profescionala por fins contratuai, porsones che à dai 18 ai 29 agn. Por les porsones che à na cualificaziun profescionala po le contrat de lernerat profescional spezialisé gnì stlüt jö pian ia dal dejessetejim ann d'eté.  24)

(2)  Les acordanzes interconfederales y i contrać coletifs stabilësc la dorada dl lernerat y la modalité de realisaziun dla formaziun por arjunje les competënzes tecniches y spezifiches por i profii profescionai.

(3)  La formaziun profescionala spazialisada fata sot la responsabilité dl’aziënda, vëgn integrada cun l’oferta formativa publica, daìte o defora dal'aziënda. Chësta à le fin da arjunje competënzes de basa o traversales por n numer de ores complessif che ne va nia sura 120 ores te trëi agn fora. La Junta provinziala stabilësc i standarg minimai por l’oferta formativa publica d'oblianza, do avëi aldì les perts soziales.

(1)  La Junta provinziala po, a öna cun les perts soziales, preodëi por le lernerat profescional spezialisé profii formatifs cun ordinamënt formatif. N te' profil gnarà registré tla terza seziun dla lista dles profesciuns cun lernerat.

(2)  L’assessur competënt/l'assessuria competënta en materia de lernerat stabilësc l’ordinamënt formatif che alda laprò, a öna cun les perts soziales o tl setur che alda laprò a livel provinzial.

(1) Al pó gní tut sö te düc i seturs d'ativité, publics o privac, cun contrat de lernerat de formaziun alta y inrescida, les porsones che á dai 18 ai 29 agn, che á n diplom de scora alta o n diplom profescional, integré cun n zertificat de spezialisaziun tecnica alta, y plü avisa por:

1. l’acuisiziun de titui de stüde universitars y de formaziun alta, cun lapró i dotorac de inrescida y i diploms de formaziun alta preodüs dal articul 2/bis dla lege provinziala di 12 de novëmber dl 1992, n. 40, y mudaziuns suandëntes, che vëgn ecuipará ai diploms di istituc tecnics alc;
   
2. ativités de inrescida;
   
3. le lernerat por l’azes ales profesciuns cun n register profescional.  25)
   

(1)  Por ativé le contrat de lernerat de formaziun alta y de inrescida preodü dal articul 21, coma 1, lëtres a) y b), sotescrí l’istituziun de formaziun y le datur/la daturia de laur n'acordanza che mëss contigní:

1. i dac dl lerner/dla lernera, dl'istituziun de formaziun, dl datur/dla daturia de laur y dl/dla tutor dl'aziënda;
   
2. la dorada dla formaziun daite y defora dal'aziënda;
   
3. le contignü dla formaziun daite y defora dal'aziënda;
   
4. la detlaraiun dl datur/dla daturia de laur de posess dles condiziuns strotorales, tecniches y formatives aladô dla desposiziun statala.
   

(2)  L’acordanza preodüda dal coma 1, integrada dal contrat de lernerat stlüt jö por scrit, vëgn aratada n protocol danter istituziun de formaziun y datur/daturia de laur y plann formatif individual aladô dles desposiziuns statales.  26)

(1) Por la cualificaziun o recualificaziun profescionala vára da tó sö tres n lernerat profescional, zënza limic d’eté, porsones che ciafa na indenité de mobilité o n tratamënt de dejocupaziun. Ince por chësta sort de lernerat mëssel a vigni moda gní respeté i standarg formatifs preodüs dala Provinzia preodüs dal articul 19, coma 3.

(2) I standarg por la formaziun aziendala preodüs dal articul 8, coma 3, vëgn aratà respetà, sce les aziëndes à, canche chësta lege va en forza, l’autorisaziun por tó sö lerneri y lerneres aladô dl articul 9 dla lege provinziala di 20 de merz dl 2006, n. 2, te chël mistier cun lernerat.

(3) An pó fá le lernerat preodü dal articul 1, coma 1, lëtres b) y c), ince tl setur publich. Les modalités d’azes al laur tres n contrat de lernerat y le desfiramënt dl lernerat vegn regolamentá cun regolamënt d’esecuziun.

(4) I ordinamënć formatifs, i programs didatics y i planns formatifs aziendai varënć mantëgn süa validité ćina che i ordinamënć formatifs preodüs dal articul 6, coma 1 y dal articul 20 vëgn aprovà. Tla lista dles profesciuns cun lernerat vëgnel stabilì i terminns transitori y finai di contrać de lernerat corënć.

(5)  Cina al adatamënt dl regolamënt di ejams aladô dl articul 16, coma 4, lëtra g), vëgnel apliché inant l’articul 17, coma 1, tla verjiun varënta di 11 de messé dl 2012. 27)

(1) La lëtra d) dl coma 2 dl articul 2 dla lege provinziala di 24 de setëmber dl 2010, n. 11, vëgn sostituida insciö:

“d) percursc de lernerat tl cheder dl dovëi de istruziun y dl dërt y dovëi de istruziun y formaziun, che se röia cun l'arjunjimënt de n atestat de cualificaziun profescionala, de n diplom profescional o dl diplom dl ejam de Stat final.” 28)

(1)  Al vëgn abroghè chëstes leges:

1. la lege provinziala di 18 d'agost dl 1983, n. 33, y mudaziuns suandëntes;
   
2. la lege provinziala di 20 de merz dl 2006, n. 2, y mudaziuns suandëntes.
   

(1)  I cosć che vëgn da chësta lege vëgn curis cun i stanziamënć de spëisa bele desponüs tl bilanz sön les unitês de previjiun de basa 05100, 05103, 05105 y 05115 a ćiaria dl eserzize 2012, autorisà por i intervënć preodüs dales leges abrogades dal articul 24.

Les spëises a ćiaria di agn finanziars che à da gnì vëgn stabilides cun la lege finanziara anuala.

(1)  Chësta lege va en forza le dé do süa publicaziun tl Boletin Ofizial dla Regiun.

Chësta lege gnarà publicada tl Boletin Ofizial dla Regiun. Vignun a chël che al ti speta é oblié da la respetè y da la fà respetè sciöche lege dla Provinzia.